Vendosni fjalën kyçe....

Rusia dëbon menjëherë 20 diplomatë çekë, lëvizja pas dëbimit të 18 diplomatëve rusë nga Praga


Njëzet diplomatë çekë janë shpallur persona ‘non-grata’ dhe duhet të largohen nga Rusia brenda 24 orëve të ditës së nesërme, tha Ministria e Jashtme Ruse të dielën, një ditë pasi Praga zyrtare dëboi 18 diplomatë rusë.

Më herët ditën e sotme, ambasadori çek në Moskë, Vítezslav Pivonka, u thirr në Ministrinë e Jashtme të Rusisë, e cila i shprehu atij një ‘notë proteste të fortë’ mbi lëvizjen e Pragës më herët këtë fundjavë.

Duke cituar akuzat për përfshirjen e inteligjencës ruse në një shpërthim të vitit 2014 në një depo ushtarake, që fillimisht mendohej të ishte një aksident, qeveria çeke dëboi tetëmbëdhjetë diplomatë rusë nga vendi. Vendimi u njoftua të shtunën nga kryeministri Andrej Babis dhe ministri i Jashtëm Jan Hamacek.

I dërguari u informua gjithashtu se 20 anëtarë të stafit të ambasadës çeke në Moskë duhet të largohen nga territori rus deri në fund të së hënës së 19 prillit. Raportet në media më herët të shtunën cituan burime diplomatike duke thënë se një hakmarrje proporcionale nga Moska do të vinte pas veprimit të Pragës.