Aktorja Emma Stone është bërë nënë për herë të parë. Siç raportojnë mediet e showbizz-it amerikan, aktorja dhe burri i saj humorist, Dave McCary, janë bërë me vajzë.
Stone thuhet se e ka sjellë vajzën në jetë që më 20 Mars, mirëpo lajmi vetëm tanimë është zbuluar pasi çifti janë shumë të rezervuar kur bëhet fjalë për jetën e tyre private.
Çifti ende nuk kanë zbuluar emrin e vogëlushes së tyre të porsalindur.
Emma po aq diskrete ishte edhe kur bëhej fjalë për shtatzëninë. Shtatzënia e saj u konfirmua vetëm në janar kur një burim i tha revistës “E!News”: “Emma është shtatzënë dhe thjesht e do jetën martesore!”
Hera e fundit që paparacët fotografuan Emma-n ishte në shkurt në Los Anxhelos kur ajo nuk e fshihte dot më barkun e rrumbullakosur.
Emma Stone dhe Dave McCary, janë martuar në shtator të vitit 2020 pas vetëm 1 viti fejesë. Megjithatë ata përfliten se dilnin bashkë që prej vitit 2017.