SPAK ka marrë si të pandehur Gentian Malindin, biznesmenin që ndodhet në arrati pasi dyshohet si porositësi i 137 kilogramëve kokainë të kapura në portin e Durrësit vitin e kaluar.
Ndaj biznesmenit është në fuqi masa “arrest me burg”. Pas kapjes së plot 137 kilogramëve me kokainë që u sekuestruan në portin e Durrësit në shtator të vitit të kaluar, policia shpalli në kërkim Gentian Malindin.
Ai dyshohej si porositësi i lëndës narkotike, që kishte ardhur nga Ekuadori.
Uniformat blu në Greqi kanë bërë zëvendësimin e 137 kilogramëve kokainë me oriz dhe me GPS, në Portin e Pireut. Më pas kanë mbajtur nën vëzhgim lëvizjet e konteinerit, deri në Durrës, për të zbuluar rrjetin e trafikut të kokainës. Aktualisht të arrestuar janë Ardian Bega dhe Altin Myslihaka.
Gentian Malindi ka qenë edhe më herët i arrestuar dhe proceduar për drogë.