Dy pacientë kanë humbur jetën në spital lidhur me covid-19, sipas Ministrisë së Shëndetësisë. Viktimat janë një 57-vjeçar e një 65-vjeçare nga Tirana, të dy me sëmundje bashkëshoqëruese.
Për sa u përket të shtruarve në dy spitalet covid, aty po trajtohen 171 pacientë, nga të cilët 18 në terapi intensive me 8 të intubuar.
Në 24 orët e fundit janë testuar 810 persona nga të cilët 152 janë rezultuar të prekur nga koronavirusi i ri.
Ministria u bën thirrje qytetarëe që të zbatojnë masat e vendosura si distancimi, mbajtja e maskave e kujdesi për higjienën personale për të parandaluar përhapjen e virusit.
