Vendosni fjalën kyçe....

Mbyllja e RTV Ora, reagon AMA: Nuk ka asnjë urdhër të tillë


Autoriteti i Mediave Audiovizive ka reaguar në lidhje me lajmin se nga ana e Inspektoratit  Shëndetësor Shtetëror ka pasur një kërkesë për mbyllje të RTV Ora.

AMA nënvizon se nuk ka asnjë urdhër mbylljen e televizionit.

Ndërsa për rastin specifik ka pasur një paralajmërim nga AMA pasi janë shkelur rregullat që dalin nga Akti Normativ mbi parandalimin e përhapjes së epidemisë së shkaktuar nga koronavirusi.

Njoftim i AMA-s:

Nisur nga informacione dhe formulime të ndryshme mediatike, mbi vendimarrje të Autoritetit të Mediave Audiovizive, AMA dhe Inspektoriatit Shtetëror Shëndetësor, ISHSH, për mbyllje të subjektit ORA News, bëjmë me dije se, nuk ka asnjë vendim apo qëllim për mbylljen e ndonjë televizioni.

Për rastin konkret, ka pasur një paralajmërim me tërheqje vëmendjeje ditën e mërkurë, 13.05.2020, nga AMA, për subjektin ORA News për shkelje të udhëzimeve të Aktit Normativ, në kuadër të vendosjes së gjendjes së fatkeqësisë natyrore nga Covid-19.

Më pas, Inspektoriati Shtetëror Shëndetësor, dega Tiranë, më datë 14.05.2020, ka evidentuar shkelje të përsëritur nga ky subjekt audioviziv, për prezencë në studio të më shumë se dy personave, duke akorduar gjoba, bazuar në ligjin 15|2016 “Për parandalimin dhe luftimin e sëmundjeve infektive”, Aktin Normativ nr. 3 “Për marrjen e masave të veçanta administrative gjatë kohës zgjatjes së periudhës së infeksionit të shkaktuar nga Covid-19”.

Për këtë vendim ISHSH ka njoftuar me shkresë zyrtare AMA-n më datë 15.05.2020.

Autoriteti i Mediave Audiovizive Tiranë, 15.05.2020


Leave a Reply

Your email address will not be published. Required fields are marked *