Vendosni fjalën kyçe....

“62-vjeçarja që ndërroi jetë te Infektivi jo për shkak të Covid-19” – Ministria e Shëndetësisë


Një 62-vjeçare ka ndërruar jetë ditën e sotme në spitalin Infektiv në Tiranë.

Sipas Ministrisë së Shëndetësisë, gruaja nuk ka ndërruar jetë nga Covid-19 por ka qenë e sëmurë me tumor, astma bronkiale e ka pasur probleme me pankreasin.

Ministria sqaron se 62-vjeçarja nuk kishte simptoma të koronavirusit të ri, por ka ndërruar jetë nga ‘pankreatiti nekrotizant’, pasi u soll dje në gjendje të rëndë nga Shkodra.

Njoftimi

Lidhur me lajmin e publikuar në media për vdekjen e një paciente me COVID19, Ministria e Shëndetësisë dhe Mbrojtjes Sociale informon se:

Gjatë ditës së ndërruar jetë në spitalin infektiv një 62-vjeçare si pasojë e një sëmundje të rëndë kronike të pankreasit, me vdekshmëri shumë të lartë: pankreatiti nekrotizant. 62-vjeçarja që vuante edhe nga kanceri dhe astma bronkiale, është sjellë ditën e djeshme në gjendje të rëndë nga spitali i Shkodrës, ku rezultoi bartëse e COVID19, por pa shenja klinike të sëmundjes.

Referuar shërbimit infektiv, 62-vjeçarja nuk ka ndërruar jetë si pasojë e COVID19, pasi ishte asimptomatike për këtë sëmundje, por si pasojë e sëmundjes së rëndë të pankreasit.

Ministria e Shëndetësisë informon se do të mbajë të informuar publikun për çdo zhvillim, ndaj lutemi t’I referoheni njoftimeve zyrtare.


Leave a Reply

Your email address will not be published. Required fields are marked *