Britania e Madhe i ka raportuar 936 persona të vdekur nga koronavirusi vetëm gjatë 24 orëve të kaluara, duke shënuar rekord të ri ditor të viktimave që nga fillimi i përhapjes. Numri i përgjithshëm i viktimave shkoi në 7,095.
Vetëm në Angli u shënuan 828 vdekje të reja. Viktimat ishin nga mosha 22 deri 103-vjeçare. Në Skoci u regjistruan 77 raste fatale, në Uells 33 dhe në Irlandën Veriore pesë vdekje.
Numri i përgjithshëm i personave të infektuar me koronavirus në Mbretërinë e Bashkuar shkoi në mbi 55 mijë, por shkalla e vërtetë e përhapjes nuk dihet. Disa ekspertë shëndetësorë kanë thënë se numri i saktë i rasteve mund të jetë shumë më i madh se shifrat zyrtare që po publikohen nga qeveria.
