Vendosni fjalën kyçe....

Koronavirusi është shembulli më i ri i mizorisë së kapitalizmit neoliberal


Koronavirusi duket sikur e ka futur botën në një stuhi pa me ç’raportohet, shkruhet, komentohet, kur numërohen të vdekurit, a thua nuk ka pasur të tillë më parë, që dramatizohet situata deri në kufijtë e absurdit.

Në një intervistë të fundit 91-vjeçari amerikan Chomsky pohoi se COVID-19 është një shembull i ri i egër i mizorisë së kapitalizmit neoliberal.

Duke folur me bashkë-themeluesin e Lëvizjes Demokracia 2025 (DiEM25) Srecko Horvat të shtunën, filozofi politik argumentoi se pandemia ishte parashikuar shumë kohë përpara shfaqjes së saj, por veprimet për t’u përgatitur për një krizë të tillë u ndaluan nga imperativat mizore të një rendi ekonomik në të cilën “nuk ka asnjë fitim në parandalimin e një katastrofe të ardhshme”.

Ne duhet të mendojmë për origjinën e kësaj krize. Pse ekziston një krizë koronavirusi?” – tha ai.

Është një dështim kolosal i tregut. Ai kthehet menjëherë në thelbin e tregjeve, të përkeqësuar nga egërsia neoliberale, intensifikimi i problemeve të thella sociale. Dihej për një kohë të gjatë që pandemitë janë shumë të mundshme”- vijon Chomsky.

Ai theksoi se epidemia SARS u kapërcye 15 vjet më parë.

Viruset u identifikuan, u ndanë, vaksinat ishin të disponueshme. Laboratorët në të gjithë botën mund të kishin filluar të punonin menjëherë në zhvillimin e mbrojtjes për pandemitë e mundshme të koronavirusit. Por ata nuk e bënë. Pse nuk e bënë?

Sepse sinjalet e tregut ishin të gabuara.

Ne u kemi dorëzuar fatin tonë kompanive farmaceutike – tiranëve private, korporatave, të cilat nuk e përfillin publikun”, deklaroi ai.

Analisti i njohur politik argumentoi se këto kompani bëjnë krem ​​trupi sepse është shumë më fitimprurës, në vend që të gjejnë një vaksinë që do t’i mbrojë njerëzit nga shkatërrimi i plotë.

Chomsky shton se “Poliomeliti, në atë kohë, ishte një kërcënim i tmerrshëm. Ai përfundoi me zbulimin e vaksinës Salk nga një institucion qeveritar, i krijuar nga administrata Roosevelt. Nuk kishte patentë dhe ishte i disponueshëm për të gjithë. Kjo mund të ishte bërë këtë herë, por murtaja neoliberale e ka bllokuar atë”.

Aktivisti gjithashtu vuri në dukje me ironi raportet e kohëve të fundit që Kuba, e cila ka vuajtur sanksione Perëndimore për dekada, po dërgon mjekë për të ndihmuar vendet evropiane për të luftuar koronavirusin.

Dua të them që kjo është aq tronditëse sa nuk mund të përshkruhet”, deklaroi ai.

Gjermania nuk mund ta ndihmojë Greqinë, por Kuba mund t’i ndihmojë vendet evropiane.

Ashtu si kur shihni mijëra njerëz që vdesin në Detin Mesdhe, ikin nga vendet që Evropa ka shkatërruar me shekuj dhe dërgohen për të vdekur në Mesdhe, e s’dini çfarë fjale të përdorni”-tregon Chomsky.

VINI RE: Ky material është pronësi intelektuale e Express.co.uk


Leave a Reply

Your email address will not be published. Required fields are marked *