Presidenti amerikan Donald Trump ka ndryshuar shefin e Shtabit të Shtëpisë së Bardhë.
Në vend të Mick Mulvaney, ai ka vënë republikanin Mark Meadows. Siç shkruan CNN, Meadows do të bëhet shefi i katërt i Trump në pak më shumë se tre vjet.
“Unë jam i kënaqur të njoftoj se Kongresmeni Mark Meadows do të bëhet Shefi i Shtabit i Shtëpisë së Bardhë. Unë e kam njohur prej kohësh dhe kam punuar me Markun, dhe marrëdhënia është shumë e mirë.”– tha Trump.
Presidenti nuk dha shpjegime për vendimin e tij, por zbuloi se Mulvaney do të jetë i dërguar special për Irlandën Veriore.
“Dua të falënderoj Shefin e Detyrës, Mick Mulvaney që i shërbeu aq mirë Administratës. Ai do të bëhet i Dërguari Special i Shteteve të Bashkuara për Irlandën Veriore. Faleminderit!”– shtoi Trump.
