Lirohet nga paraburgmi Vladimir Gjuta, i cili u arrestua më 4 janar të këtij viti, pasi u akuzua se kishte rrahur me çekiç kushëririn e tij, duke i thyer dhëmbët.
Kushëriri i dhunuar e tërhoqi denoncimin, duke bërë që gjykata të vendosë për lirimin e tij.
Vladimir Gjuta nuk është një emër i panjohur për drejtësinë shqiptare, pasi në 2015-ën është arrestuar për vendosjen e tritolit në farmacinë e babait të ish-ministrit të Brendshëm, Saimir Tahiri.
Një vit më vonë, në 2016-ën, Vladimir Gjuta fitoi lirinë dhe i lirua nga akuzat.
