Një person është gjetur i pajetë pranë Parkut të Autobusëve në Tiranë.
Mësohet se viktima është një endacak që jetonte në një barake që ka shërbyer si kabinë elektrike.
Nuk dihen ende rrethanat e ngjarjes por dyshohet se ai ka ndërruar jetë nga i ftohti.
Ai është pikasur nga banorët të cilët më pas kanë njoftuar policinë dhe ambulancën.
Sipas policisë, 39-vjeçari me iniciale R.Z., është gjetur i dekompozuar ndërsa në trupin e tij nuk janë gjetur shenja jete.
Tiranë/Informacion paraprak
‘Rreth orës 14.50, në rrugën e “Kavajës” , në një ndërtesë që ka shërbyer si kabinë elektrike por tashmë është jashtë funksionit, është gjetur pa shenja jete, i dekompozuar, trupi i pajetë i shtetasit R. Z.,39 vjeç.
Nga kqyrja paraprake e trupit të pajetë, nuk janë konstatuar shenja dhune, apo dëmtime nga ndonjë faktor tjetër. Dyshohet se shkaku i vdekjes është për shkaqe natyrale. Grupi hetimor po vijon punën për sqarimin e mëtejshëm të rrethanave të ngjarjes.’
