Policia Rrugore ka vënë 432 gjoba ndaj drejtuesve të mjeteve në të gjithë akset e vendit.
Në njoftimin zyrtar policia i bën thirrje shoferëve që të respektojnë rregullat e qarkullimit rrugor.
Sipas policisë. Gjobat janë vënë për parakalime të gabuara ndërsa kërkon bashkëpunimin e qytetarëve duke i ftuar që të denoncojnë shkeljet.
Njoftimi i Policisë Rrugore
Respekto rregullat e qarkullimit rrugor, për të arritur i sigurt në destinacion.
Përgjatë 24 orëve të fundit, në të gjithë vendin, Policia Rrugore duke përdorur mjete dhe punonjës civil e të uniformuar, ka konstatuar në të gjithë vendin qindra shkelje nga më të lehtat e deri tek ato që janë rrezik potencial për jetën e përdoruesëve të rrugës, nga të cilat, 432 masa administrative vetëm për parakalime të gabuara në të gjitha akset rrugore të vendit.
Policia Rrugore do të përdorë të gjitha format, mënyrat e kontrollit dhe menaxhimit të trafikut rrugor, me qëllim parandalimin e aksidenteve rrugore dhe rritjen e parametrave të sigurisë në rrugë.
Policia Rrugore nisur dhe nga aksidentet e fundit, këshillon të gjithë përdoruesit e mjeteve dhe motomjeteveve, ciklistët dhe këmbësorët, të tregojnë më shumë kujdes gjatë lëvizjes, të respektojnë rregullat e qarkullimit rrugor, të denoncojnë në numrin 112 e në Komisariatin Dixhital çdo shkelje të Kodit Rrugor, sepse vetëm duke bashkëpunuar ne mund të parandalojmë aksidentet rrugore dhe të garantojmë të gjithë bashkë një mjedis të sigurtë.
