Vendosni fjalën kyçe....

Endri Fugës i paska shpëtuar ky detaj, komentuesit e nxjerrin Ramën bllof (FOTO)


Kryeministri Edi Rama publikoi mëngjesin e sotëm, disa fotografi nga zona e Shkëmbit të Kavajës.

Sipas kryeministrit, në Kavajë po punohet natë e ditë edhe gjatë sezonit veror për sistemimin e rrugëve dhe vendosjen e ndriçimit në zonën turistike të Shkëmbit të Kavajës. Mirëpo ndjekësit e tij në rrjetet sociale e kanë nxjerrë bllof, pasi një detaj në foto vërteton se ato nuk janë aktuale.

Punonjësit poshtë uniformave mbajnë rroba të gjata e të trasha, ndërsa kalimtarët mbajnë xhupa veshur, çka sugjeron se fotot janë realizuar në dimër.

“Shumë ftohtë ka qenë mbrëmë në Golem ! Shyqyr që kishim gati garderobën e dimrit. Qesharak!”, shkruan një nga komentuesit.

“Këta e paskan sezonin e plazhit në dimër se këtu duken me xhupa!”, thotë një tjetër.

Endri Fugës, personit që kujdeset për imazhin e kryeministrit Edi Rama dhe për strategjitë e tij të komunikimit me median dhe publikun, duket se i paska shpëtuar ky detaj nga fotot.

 


Leave a Reply

Your email address will not be published. Required fields are marked *