Policia franceze ka ndaluar katër persona për shpërthimin të premten në Lion, në të cilin janë plagosur të paktën 13 persona. I dyshuari i parë mësohet të jetë një nxënës algjerian, 24 vjeç.
Në mesin e të ndaluarve rezulton edhe e ëma, vëllai i vogël dhe babai i 24-vjeçarit. Ky i fundit, sipas të hetuesve po bashkëpunon shumë pak dhe nuk pranon faktet.
Policia, në orët e para pas atentatit, ishte në ndjekje të një burri që ishte parë në zonë falë kamerave të sigurisë. Sipas hetuesve, shpërthimi mund të jetë një sulm i mundshëm terrorist.
