Gjatë vizitës zyrtare në Hungari, Ministri për Evropën dhe Punët e Jashtme Gent Cakaj është takuar me homologun e tij Péter Szijjártó.
Ministri i Jashtëm hungarez ka dhënë mbështetjen e tij për hapjen e negociatave për anëtarësimin në Bashkimin Evropian.
Ai theksoi se “do të ishte e papranueshme shtyrja e vendimit për çeljen e negociatave të Shqipërisë me BE”.
Gjatë takimit ministri Jashtëm hungarez Péter Szijjártó shtoi se “siguria dhe stabiliteti i Ballkanit Perëndimor është i rëndësishëm si dhe ndikon drejtpërdrejtë edhe në sigurinë e Evropës Qendrore”.
