Ish-kryeministri Sali Berisha ka publikuar një video të takimit me dyer të mbyllura të ministrit të Brendshëm Sandër Lleshaj me studentët e Universitetit të Durrësit.
Në videon e publikuar tregohet se Lleshaj ka shkuar në takimin në Durrës me masa të larta sigurie. Sipas Berishës, Lleshaj është ndeshur me kritikat e studentëve, të cilët e kanë detyruar të braktisë takimin.
“Vasal Lleshaj burracak shkon ne takim me studentet i rrethuar nga 10 narkopolicet e tij!
Studentet guximtar e bejne per dy leke dhe e perzene me qendrimin e tyre:
Ata i thone erdhe me 10 badiguarde ne takim dhe kerkojne largimin e tyre nga salla
– denojne per perdorimin e gazit lotsjelles dhe pas kesaj iken nga takimi me bisht nen shale!
Nderim studenteve guximtare!”, shkruan Berisha.
Ministri i Punëve të Brendshme Sandër Lleshaj është pritur me protesta sot nga studentët e Durrësit.
Një grup studentësh, të pajisur me maska dhe me pankarta në duar, kanë filluar të thërrasin “turp,turp, turp” kur kanë parë ministrin të shoqëruar me kryebashkiakun e Durrësit Vangjush Dako.
