Në një artikull të “Daily Mail” shkruhet se shkencëtarët kanë indentifikuar një organ të ri brenda trupit të njeriut. Ky organ është quajtur “interstitium” dhe është rrjeti i hapësirave të ndërlidhura e të mbushura me lëng në gjithë trupin.
Ekipi shkencëtarëve i udhëhequr nga profesorët e Universitetit të New York-ut kanë treguar se organi “interstitium” shërben si autostradë lidhësese, që nis që nga shtresa e sipërme e lëkurës më pas vazhdon në indet e indet e tretjes, mushkëritë dhe sistemet urinare si dhe rrethon arteriet, venat dhe hapësirat midis muskujve.
Kjo hapësirë në trupin tonë e mbushur me lëng shërben si amortizues. Shkencëtarët janë shprehur se ky organ gjendet në të gjithë trupin dhe nuk e kuptojnë se si nuk është zbuluar deri tani.
Interstitiumi, organi i zbuluar është i përbërë nga proteinat e indeve lidhëse, kolagjen dhe lëng intersticial që lëviz në gjithë trupin.
Edhe pse anatomia e trupit është studiuar për mijëra vjet vetëm tani shkencëtarët kanë mundur ta zbulojnë këtë organ. Organi i zbuluar së fundmi mund të jetë më i madhi në trupin tonë dhe mund t’i çojë shkencëtarët dhe mjekët për të kuptuar se përse shfaqet kanceri.
https://www.youtube.com/watch?v=GHB-uv185W4
