Vendosni fjalën kyçe....

Tabela e gruas me shami në hyrje të qytetit shkakton përplasje në Suedi


Një komunë suedeze po përballet me reagim të ashpër pas përzgjedhjes së një gruaje muslimane vendase të mbuluar me shami, që të jetë “si poster mirëseardhjeje”.

Mediat suedeze zbuluan gjithashtu lidhjet e saj në të shkuarën me një imam të diskutueshëm lokal.

Imazhi i Suzan Hindi, një grua muslimane vendase rreth të 40-ave, e saj të veshur me shaminë blu, tani mirëpret personat që hyjnë në Gavle, një komunë bregdetare në Suedi, rreth 100 km në veri të Stokholmit. Fotografia herë pas here shfaqet në një bord dixhital së bashku me mesazhin: “Mirë se vini në Gavle!”

Komuna tha se ishte një gjest që festonte diversitetin e komunitetit, i cili numëron mbi 100,000 njerëz me origjinë dhe kultura të ndryshme. Por disa e panë atë si një sinjal të mbështetjes për shtypjen e lirive të grave.

“Duhet të mendojmë se çfarë po sinjalizon. Disa me të vërtetë e përdorin këtë veshje, hixhabin, vullnetarisht. Por jo të gjithë. Kjo është një veshje që për miliona gra në mbarë botën përfaqëson mungesën e lirisë”, tha deputeti i demokratëve të Suedisë, Roger Hedlund, një anëtar i këshillit të Bashkisë, cituar nga faqja e lajmeve “Nyheter Idag”.

Partia Demokratike e Suedisë ka një platformë anti-imigracioni dhe aktualisht ka 62 vende në parlamentin me 349 anëtarë të Suedisë.