Sulmi terrorist ndaj autobusit të Borussia Dortmundit, në prill të vitit të kaluar, tronditi opinionin sportiv pak orë para kalendarit të programuar të ndeshjeve në Champions League.
Ditën e sotme u dënua nga gjykata Sergei Wenergold, 29-vjeçari që shkaktoi panik, por fatmirësisht asnjë të vdekur. Një vit më parë vendosi bombë ndaj autobusit të Dortmundit dhe sot u dënua me 14 vite burg.
Sipas prokurorëve në rajonin e Nordrhein-Westfalen, synimi i sulmit ishte që të goditej rëndë skuadra verdhezi, në mënyrë që ai të përfitonte më pas nga rënia drastike e aksioneve të Borussia Dortmundt.
Më 11 prill 2017, atentatori vendosi 3 bomba gjatë itinerarit që autobusi i skuadrës së futbollit kishte programuar të përshkonte deri në stadium, për ndeshjen ndaj Monacos. Futbollisti Bartra dhe një polic u lënduan në mënyrë serioze.
