Kreu i opozitës, Lulzim Basha, zhvilloi ditën e sotme një takim me qytetarët e Beratit, nga ku premtoi se me ardhjen e PD-së në pushtet, do të nisë lufta pa kompromis kundër varfërisë dhe krimit të organizuar.
Sipas tij ulja e taksave dhe kthimi i investimeve të huaja në vend, do të jetë prioriteti kryesor i qeverisë së tij.
Postimi i plotë:
Fund trajtimit preferencial për politikanët!
Dita kur politikanët të mos jenë më mbi ligjin, do të jetë dita e parë e bardhë për qytetarët në Shqipëri.
Ne nuk mund të pranojmë që fëmijet të mbeten pa ngrohje në shkolla apo që mijëra familjeve tu ndërpritet ndihma ekonomike vetëm sepse qeveria i shpërndan paratë te 10 oligarkë apo kriminelë.
Ndaj jemi të vendosur që me taksa të ulëta dhe me kthimin e investimeve të huaja, të garantojmë punësim, infrastrukturë dhe shërbime sociale, në mënyrë që asnjë shqiptar të mos nëpërkëmbet.
Nuk do lejojmë që oligarkët të falimentojnë Shqipërinë!
Por bashkë me qytetarët do garantojmë që çdo qindarkë e grabitur të kthehet në xhepat e tyre!
