Në 110-vjetorin e ditëlindjes së ish-diktatorit Enver Hoxha, kryeministri Edi Rama është paraqitur në një emission televiziv me një kollare e cila mbante një symbol komunist, një yll të zi mbi një rreth të kuq.
Opozita reagoi ashpër në rrjetet sociale duke e akuzuar Ramën se e kishyte vënë kravatën me yll pikërisht për të përkujtuar ish-diktatorin, ndërkohë që vetë Rama u përgjigj se ishte thjesht çështje shijesh.
I ftuar gjithashtu në misionin “Dritare me Rudinën”, Andi Tela e pyeti kryeministrin Rama për domethënien e simbolit në kravatë dhe nëse ka lidhje me datën e sotme, 110-vjetori i lindjes së diktatorit Enver Hoxha.
Sipas Ramës, ishte thjesht një kënaqësi e tij.
Biseda:
Andi Tela: Çfarë simbolizon ylli në kollare? Ditë e veçantë sot ka gjë lidhje?
Edi Rama: Kur të dish autorin e kravatës, të çon për shpifje dhe në vendin e autorit të kravatës ikën në burg…
Andi Tela: Pse pikërisht sot?
Edi Rama: Shijet nuk diskutohen. Dhe kur pyet për kuptimin e një shenje bën pyetjen që bënte realizmi socialist, lidhja e formës me përmbajtjen. Kjo është thjesht kënaqësi. Çfarë date është sot?
Robert Rakipllari: Është 110-vjetori i lindjes së merhumit.
Edi Rama: Ju kujtoni merhumin unë kujtoj Ismail Qemalin.