Dy aktivistë venezuelas u qëlluan dhe u plagosën në kryeqytetin kolumbian, Bogota, të hënën, në atë që autoritetet lokale dyshojnë se ishte një sulm i synuar, në stilin e një vrasësi me pagesë.
Yendri Velasquez, një aktivist i të drejtave të njeriut dhe LGBTQ+ , dhe Luis Peche, një analist politik, po dilnin nga një ndërtesë në veri të Bogotës kur dy persona të armatosur të paidentifikuar hapën zjarr rreth mesditës.
Të dy burrat, të cilët jetojnë në Kolumbi që nga shtatori i vitit 2024, thuhet se janë në gjendje të qëndrueshme në spital, me Velasquez që do t’i nënshtrohet një ndërhyrjeje kirurgjikale.
“Ky sulm përbën një agresion serioz jo vetëm kundër tyre, por kundër të gjithë punës për mbrojtjen dhe promovimin e të drejtave të njeriut në rajon”, tha udhëheqësja e opozitës venezueliane Maria Corina Machado , e cila javën e kaluar u vlerësua me Çmimin Nobel për Paqen për aktivizmin e saj pro-demokracisë.
Duke shkruar në mediat sociale, Machado tha se Velasquez dhe Peche ishin “persekutuar” në Venezuelë nga regjimi i udhëheqësit Nicolas Maduro dhe i bëri thirrje qeverisë kolumbiane të kryejë një “hetim të plotë, transparent dhe urgjent”.
Velasquez dhe Peche ishin larguar nga Venezuela vitin e kaluar duke pretenduar përndjekje politike./DW
