Një aksident i rëndë rrugor me pasojë vdekjen është regjistruar në orët e para të mëngjesit në Vlorë.
Sipas informacionit paraprak, rreth orës 03:00, në zonën e njohur si mbikalimi i Novoselës, në aksin rrugor drejt fshatit Akërni, një automjet i drejtuar nga shtetasi A. H., 24 vjeç, banues në Fier, është përfshirë në aksident.
Si pasojë e përplasjes, i riu ka ndërruar jetë në vendngjarje.
Në vendngjarje kanë mbërritur shërbimet e policisë dhe grupi hetimor, të cilët po punojnë për zbardhjen e plotë të rrethanave dhe përcaktimin e shkaqeve të këtij aksidenti.
