Presidenti i SHBA-së, Donald Trump, deklaroi se Shtetet e Bashkuara të Amerikës kanë “mposhtur dhe shkatërruar plotësisht” Iranin, si në aspektin ushtarak ashtu edhe ekonomik.
Në një deklaratë në Truth Social, Trump theksoi se vendet e botës që marrin naftë përmes Ngushticës së Hormuzit duhet të kujdesen për sigurinë e kësaj rruge detare, ndërsa SHBA do t’i ndihmojë dhe do të koordinojë veprimet me to.
“Shtetet e Bashkuara të Amerikës e kanë mposhtur dhe shkatërruar plotësisht Iranin, si në aspektin ushtarak, ekonomik dhe në çdo mënyrë tjetër. Por vendet e botës që marrin naftë përmes Ngushticës së Hormuzit duhet të kujdesen për sigurinë e këtij kalimi, dhe ne do t’i ndihmojmë — SHUMË!
SHBA gjithashtu do të koordinojë me këto vende në mënyrë që gjithçka të zhvillohet shpejt, pa probleme dhe me sukses. Kjo duhet të kishte qenë gjithmonë një përpjekje e përbashkët, dhe tani do të jetë.
Kjo do ta bashkojë botën drejt harmonisë, sigurisë dhe një paqeje të përhershme.”
