Administrata e Presidentit të SHBA-së, Donald Trump, po shqyrton mundësinë e ndërprerjes së fondeve për spitalet që thonë se ofrojnë trajtime të lidhura me ndryshimin e gjinisë për fëmijët dhe adoleshentët, raportoi të hënën Ëall Street Journal.
Këto diskutime vijnë pasi Qendrat e SHBA-së për Shërbimet Medicare dhe Medicaid dërguan një letër në maj te një numër spitalesh që kryenin “procedura të modifikimit të tipareve seksuale pediatrike”, duke përshkruar ato që tha se ishin shqetësime mbi standardet e cilësisë dhe fitimet që lidheshin me procedurat, shkruan Investing.
CMS u kërkoi spitaleve të përgjigjeshin brenda 30 ditësh – një afat që skadoi të shtunën.
Në letër, Administratori i CMS, Dr. Mehmet Oz – mjeku i famshëm i nominuar nga Trump – tha se administrata nuk do “mbyllte sytë ndaj procedurave që nuk kanë një bazë të fortë provash dhe që mund të çojnë në dëmtime gjatë gjithë jetës”.
Nëntë spitale fëmijësh morën letra nga CMS duke u kërkuar të dhëna mbi operacionet e ndryshimit të gjinisë, terapinë hormonale dhe bllokuesit e pubertetit, tha ËSJ.
Disa spitale po rishqyrtojnë ose mbyllin programet e kujdesit që lidhen me gjininë, duke përmendur hetimin e CMS dhe humbjen e mundshme të fondeve federale, shtoi raporti.
Departamenti i Shëndetësisë dhe Shërbimeve Njerëzore dhe Shtëpia e Bardhë nuk iu përgjigjën menjëherë kërkesave të Reuters për koment.
