Gjenerali Khalifa Haftar në Bengazi
Një nga shtyllat e politikës së jashtme greke në lidhje me Mesdheun, dhe gjithashtu rivaliteti i saj me Turqinë, duket se po shkërmoqet, pasi qeveria e Bengazit, një nga dy polet antagoniste të pushtetit të Libisë, që përfshin Parlamentin e vendit të ndarë, duket se po i afrohet Turqisë.
Greqia kishte investuar shumë në sigurimin e miqësisë së Khalifa Haftarit, figurës ushtarake dhe komandantit të forcave libiane besnike ndaj parlamentit që është kundër qeverisë zyrtare me seli në kryeqytetin Tripoli. Athina ishte e bindur se Haftari do vepronte si një kundërpeshë ndaj fraksionit pro-turk të Tripolit, shkruan Kathimerini.
Por lëvizjet e fundit dhe një vizitë nga një delegacion i Bengazit në Athinë që përfshinte Sadam Haftarin, djalin e Khalifas, tregojnë se marrëdhëniet e tanishme janë të trazuara, në rastin më të mirë. Delegacioni i Bengazit u ankua se ishte “braktisur” nga Athina dhe kërkoi ndihmë në përballimin e flukseve në rritje të emigracionit.
