FIFA shpalli sonte më të mirët e vitit 2023, në një mbrëmje gala që po mbahet në Londër.
Çmimi kryesor “Futbollisti më i mirë” u rrëmbye sërish nga Lionel Messi.
Ylli argjentinas nuk ishte i pranishëm në ceremoni fare. Gjithsesi, ai ia doli të mposhtë konkurrencën ndaj Erling Haaland dhe Kylian Mbappe, që ishin dy të nominuarit tjerë.
Ndërsa çmimin “Portieri më i mirë” për vitin që lamë pas e ka fituar Ederson.
Braziliani ishte një prej më meritorëve në suksesin historik të Manchester Cityt, që fitoi tripletën.
“Qytetarët” në vitin 2023 u kurorëzuan me titullin e kampionit në Premierligë dhe Ligën e Kampionëve, teksa fituan edhe trofeun e Kupës FA.
Kurse Çmimi “Puskas”, që ndahet për futbollistin me golin më të mirë, i takoi Guilherme Madruga.
Sulmuesi brazilian, që aktivizohet te Botafogo, këtë çmim e mori falë një gol spektakolar të shënuar në stilin “gërshërë”.
Guilherme Madruga, do Botafogo-SP, vence o prêmio Puskás 2023.pic.twitter.com/0HbWBom5Uy
— Curiosidades Brasil (@CuriosidadesBRL) January 15, 2024
