Mijëra fluturime do anulohen në aeroportet kryesore të Parisit në janar dhe shkurt, ndërsa Franca përmirëson sistemet e saj të kontrollit të trafikut ajror.
Kontrolli francez i trafikut ajror aktualisht punon në një sistem të zhvilluar në vitet 1970. Megjithëse është përmirësuar rregullisht gjatë viteve, ai është planifikuar për një riparim të madh në fillim të vitit 2024 për shkak të rritjes së shpejtë të trafikut ajror.
Me përditësimin e sistemit, dy muajt e parë të vitit mund të jenë të ndërlikuar për pasagjerët. Më shumë se 2.5 milionë fluturime kalojnë nëpër hapësirën ajrore franceze çdo vit dhe çdo ndërprerje mund të ndikojë në udhëtimet nëpër Evropë.
Ndërsa puna po zhvillohet, vlerësohet se rreth 16,500 fluturime do të anulohen, sipas kanalit të lajmeve të biznesit BFM.
Ndërmjet 9 janarit dhe 14 shkurtit, linjat ajrore janë këshilluar të shkurtojnë numrin e fluturimeve që ngrihen dhe zbarkojnë në aeroportet Charles de Gaulle, Orly, Le Bourget dhe Beauvais të Parisit me 20 për qind.
Gjatë kësaj periudhe, sistemi i ri do të testohet në qendrën e kontrollit të trafikut ajror në Athis-Mons, më e madhja në Francë e cila menaxhon të gjithë aeroportet në Paris dhe Beauvais.
Në përpjekje për të minimizuar ndikimin tek pasagjerët, grupi i linjave ajrore tashmë ka anuluar këto fluturime, ka informuar pasagjerët dhe u ka ofruar atyre transferime në fluturime të ndryshme në të njëjtën ditë.
