Një banesë është përfshirë nga flakët në Korçë. Ngjarja ka ndodhur në lagjen 12 të qytetit. Zjarrfikësja aktualisht ndodhet në vendngjarje për shuarjen e flakëve.
Nga informacionet mësohet se brenda banesës ndodhej një i moshuar, i cili është nxjerrë nga policia dhe zjarrfikësit. Deri më tani nuk dihen rrethanat e ngjarjes, ndërsa policia ka nisur hetimet.
“Më datë 22.09.2023, rreth orës 10:45, në lagjen nr. 11, Korçë, ka rënë zjarr në banesën e shtetasit Dh. S., ku nga të dhënat paraprake nuk ka persona të lënduar, por vetëm dëme materiale.
Shërbimet e zjarrfikëses, ndodhen në vendngjarje për të bërë të mundur shuarjen e zjarrit. Grupi hetimor po punon për zbardhjen e rrethanave dhe përcaktimin e shkaqeve të rënies së zjarrit,”- njoftoi policia.
