Kryeministri Rama, ministra të qeverisë e kreu i Partisë së Lirisë Meta kanë uruar Kosovën në 15-vjetorin e Pavarësisë.
Për ceremoninë solemne, në Prishtinë ka shkuar nga Tirana presidenti Begaj, i cili pak ditë më parë mori pjesë në një organizim festiv me këtë rast nga ambasada e Kosovës në Tiranë.
Kryeministri Rama ka qenë lakonik në urimin e tij duke shkruar ‘Gëzuar Pavarësinë’.
“MIRËMËNGJES, Gëzuar Pavarësinë” – shkruan Rama.
Kreu i Partisë së Lirisë Meta shkruan se Kosova në shumë pak vite është kthyer në shembull frymëzues për Shqipërinë e rajonin përmes përparimit të jashtëzakonshëm në të gjitha fushat.
“Gëzuar Ditën e Pavarësisë Kosovë e dashur! Ndajmë krenarinë e përparimit të jashtëzakonshëm në të gjitha fushat dhe elementët shtetndërtues duke u kthyer në vetëm pak vite një shembull frymëzues për Shqipërinë dhe rajonin! Urimet më të përzemërta!” – shkruan Meta.
Ndërsa minister Xhaçka e Kushi shkruajnë: “Gëzuar Ditën e Pavarësisë së Kosovës vëllezërve e motrave tona në &të gjithë kudo që janë! Një ditë për t’u ndjerë krenarë për sa shumë ê arritur në këto 15 vjet& për të kujtuar me nderim të gjithë ata që punuan e luftuan duke sakrifikuar gjithçka për Kosovën e pavarur.” – shkruan Xhaçka.
“Në këtë ditë të shënuar, zgjodha të uroj vëllezërit dhe motrat tona në Kosovë me disa nga punimet e realizuara nga nxënës të shkollave nga e gjithë Shqipëria, të cilat do të jenë pjesë e ekspozitës së përbashkët, më datë 21, në Bibliotekën Kombëtare të Kosovës, Prishtinë. Ndihem krenare për mesazhet kuptimplotë që përcjellin nxënësit tanë nëpërmjet talentit të tyre dhe është detyra jonë e përbashkët që të ushqejmë tek ata ndjenjat e atdhedashurisë, vëllazërisë dhe krenarisë kombëtare. Gëzuar Pavarësinë, Kosovë!” – shkruan Kushi.
