Pavarësisht humbjeve të mëdha në njerëz në Turqi e Siri, ka pasur edhe raste mbresëlënëse të shpëtimit të mijëra personave, një pjesë e të cilëve edhe pas 72 orësh nën rrënoja.
Një rast i tillë ka ndodhur në provincën Hatay ku katër persona u shpëtuan nga rrënojat e një blloku pallatesh.
Pesëvjeçarja Hazal dhe nëna e saj Betul Guner u shpëtuan nga Autoriteti i Menaxhimit të Fatkeqësive dhe Emergjencave të Turqisë dhe ekipet e kërkimit dhe shpëtimit të Fondacionit të Ndihmës Humanitare IHH në rrethin qendror të Antakias.
Ekipet gjithashtu shpëtuan një baba dhe vajzën e tij nga të njëjtat rrënoja. Katër persona të plagosur u dërguan në spitalet e afërta.
