Kryeministri në largim i Mbretërisë së Bashkuar, Boris Johnson, la të kuptohet për një rikthim politik në të ardhmen dyje përdorur shprehjen ‘Hasta la vista, baby’, një varg i famshëm nga filmi fantastiko-shkencor distopian “Terminator 2: Dita e Gjykimit” që përkthehet afërsisht në ‘mirupafshim’.
Gjatë një takimi në parlament, lideri i rrënuar nga skandalet hodhi aludime të tjera, duke u mburrur se qëndrimi i tij i shkurtër në krye të qeverisë e kishte parë ‘misionin e tij të kryer tani për tani’.
Johnson kishte shumë këshilla për zëvendësuesin e tij, duke i thënë kandidatit që dominon të ‘përqendrohet në rrugën përpara, por gjithmonë mos harroni të kontrolloni pasqyrën e pasme dhe mbani mend mbi të gjitha se nuk është Twitter ai që ka rëndësi – janë njerëzit që na dërguan këtu’.
Ai gjithashtu i kërkoi pasardhësit të tij që ‘të qëndrojë afër amerikanëve, të qëndrojë në krah të ukrainasve, të qëndrojë për lirinë dhe demokracinë kudo’, ndërsa i sugjeroi kryeministrit të ri ‘të ulë taksat dhe të çrregullojë kudo që të mundeni për ta bërë këtë vendin më të mirë për të jetuar dhe investuar’.
Gara për të zëvendësuar Johnson si lider të Partisë Konservatore është zvogëluar në vetëm dy kandidatë.
Sekretarja e Jashtme Liz Truss dhe ish-kancelari Rishi Sunak, i cili ishte një nga të parët që u largua nga administrata e Johnson në fillim të këtij muaji. Largimi i tij, së bashku me atë të Sekretarit të Shëndetësisë, Sajid Javid, shkaktoi një sërë dorëheqjesh, duke e lënë Johnson-in pa zgjidhje tjetër përveç dorëheqjes.
