Gazetarja ukrainase Vira Hyrych është vrarë gjatë një sulmi rus me raketë në Kiev. Gazetarja e cila është gjithashtu edhe producente e Radios Evropa e Lirë në Ukrainë është gjetur e pajetë nën rrënoja në mëngjesin e 29 prillit.
Kjo pas një rakete që kishte goditur banesën e saj në Kiev një ditë më parë.
REL thotë se gazetarja ukrainase Vira Hyrych ka punuar për pranë saj që prej vitit 2018.
Kolegu i saj Mike Eckel tha se “Një nga kolegët e mi të @radiosvoboda në Kiev, Vira Hyrych, u vra në sulmin e djeshëm me raketa në Kiev. Vira ishte një nga njerëzit më të mirë në zyrën tonë; e durueshme, e zellshme, e sjellshme dhe e përkushtuar.”
one of my @radiosvoboda colleagues in Kyiv, Vira Hyrych, was killed in yesterday’s Kyiv rocket attack. Vira was one of the nicest people in our bureau; patient, diligent, kind, and dedicated. https://t.co/0TwOgCHWbL
— Mike Eckel (@Mike_Eckel) April 29, 2022
Si pasojë e sulmit rus të 28 prillit në Kiev, dy katet e para të ndërtesës 25-katëshe janë shkatërruar pjesërisht dhe më pas ka nisur zjarri.
Sipas autoriteteve të qytetit, katër njerëz tjerë janë dërguar në spital.
Sulmet në Kiev kanë ndodhur në ditën e njëjtë kur kryeqytetin ukrainas e ka vizituar Sekretari i Përgjithshëm i Kombeve të Bashkuara, Antonio Guterres.