Qindra studentë e qytetarë janë mbledhur para kryeministrisë në ditën e shtatë të protestës. Protesutesit kërkojnë heqjen e taksës së karburantit dhe uljen e çmimeve të ushqimeve.
Ata kanë deklaruar se nëse nuk bien çmimet do bjerë qeveria. Më shumë qytetarë po i bashkohen grupit të protestuesve para kryeministrisë.
Kreu i qeverisë ka deklaruar se taksa e karburantit nuk do bjerë edhe nëse dalin 100 fish më shumë protestues.
Kryeministri Rama tha se qeveria po subvencionon çmimin e energjisë elektrike i cili është rritur në tregjet globale për shkak të luftës në Ukrainë.
Rama ka prezantuar Paketën e Rezistencës Sociale që sipas tij do u vijë në ndihmë kategorive më në nevojë në vend.
