Vendosni fjalën kyçe....

PD nxjerr videon dhe sulmon Berishën: Po gënjen për 5 majin për të fshehur lidhjet familjare me trafikantin ndërtues


Partia Demokratike ka postuar një video përgënjeshtruese pas deklaratave të Sali Berishës se nuk kanë qenë pranë banorëve të “5 Majit” dhe se po përfitojnë nga rindërtimi.

PD-ja në video ka nxjerrë deputetët e saj kur kanë qenë në lagjen 5 maji dhe kanë dënuar prishjen e shtëpive që preken nga projekti i rindërtimit.

Në postimin e saj PD-ja pyet se pse Berisha nuk thotë emrin e atij që po ndërton te 5 maji por përmend Agron Kapllanajn.

Sipas PD-së Berisha po gënjen për të fshehur lidhjet e familjarëve me trafikantin ndërtues.

Sali Berisha gënjen pa u skuqur e pa u zverdhur. Kur deputetët e PD ishin pranë banorëve kur iu shembën shtëpitë, ku ishte Sali Berisha? Pse Sali Berisha po mbron përmes mashtrimit ndërtuesit e “5 Majit”? Pse ky njeri që merr nëpër gojë këdo nuk guxon as ti përmendë emrin atij që po ndërton vërtet atje? Pse mashtron shqiptarët duke gënjyer për anëtarin e kryesisë së PD Agron Kapllanaj? Sali Berisha mashtron dhe gënjen për të fshehur lidhjet e familjarëve të tij me trafikantin ndërtues.

PD ka bërë kallzim penal për të çuar para drejtësisë Erjon Veliajn për këtë aferë korruptivo-kriminale dhe ju kërkon organeve përkatësee të ndalin menjëherë projektin e pastrimit të parave të pista tek “5 maji”.

Kushdo me sy në ballë e mend në kokë e kupton tashmë se në Shqipëri ka vetëm një opozitë, që është PD. Rama dhe Berisha janë njësoj. Zgjidh Ramën dhe merr edhe Berishën. Zgjidh Berishën dhe merr Ramën”-shkruan PD.