Protesta të mëdha anti-qeveritare shpërthyen në qytetet kryesore të Kubës në një shfaqje të rrallë të ndjenjës ‘pro-lirisë’ që u brohorit menjëherë nga zyrtarët amerikanë dhe u denoncua si ‘provokim i huaj’ nga presidenti Miguel Diaz-Canel.
Mijëra protestues marshuan të dielën në Havana, Santiago de Cuba dhe qytete të tjera, duke dënuar mungesat e ushqimit, ilaçeve dhe vaksinave dhe duke kërkuar fund të sundimit komunist të vendit ishullor.
Videot e shumta të postuara në mediat sociale tregonin që turmat marshonin dhe hidhnin parulla të tilla si ‘Ne nuk kemi frikë’, ‘Liri’ dhe ‘Kuba nuk është e juaja!’
Ndërsa shumë nga marshimet dukeshin kryesisht paqësore, protestuesit thuhet se po përmbysnin makinat në rrugë dhe po hidhnin gurë ndaj policisë në Havana dhe gjetkë.
Videot e tjera tregojnë turma qytetarësh që u turren dyqaneve për të marrë ç’të mundin.
Kuba është rrënuar nga mungesa e nevojave themelore për dekada, nën embargon e përhershme të SHBA-së, me situatën e përkeqësuar më tej nga pandemia Covid-19.
“Ne jemi të lodhur nga radhët, mungesa e ushqimit.” – tha një protestues për AP.
Përgatiti për Hashtag,al, Klodian Manjani