Vendosni fjalën kyçe....

Aksident në vendin e punës, humb jetën 61-vjeçarja në landfillin e Bushatit


Një ngjarje e rëndë ka ndodhur sot në landfillin e Bushatit në Shkodër, ku një grua 61-vjeçare ka humbur jetën ndërsa punonte në landfill.

Sipas policisë, 61-vjeçarja K.Banaku po kryente diferencimin e mbetjeve urbane, në momentin ku u zu poshtë nga një makineri.

Për fat të keq, punonjësja nuk ka arritur dot t’i mbijetojë këtij aksidenti.

“Më datë 25.03.2021, rreth orës 10.30, në urgjencën e Spitalit Rajonal Shkodër ka mbërritur pa shenja jete, shtetasja K. B. 61 vjeçe, banuese në fshatin Paçram, Vau Dejës.

Nga verifikimet paraprake rezulton se është punonjëse në landfilldin e Bushatit dhe është demtuar aksidentalisht në punë.

Në vendngjarje ndodhet grupi hetimor dhe nën drejtimin e Prokurorisë së Rrethit Gjyqësor Shkodër dhe po vijon puna për zbardhjen e plotë të rrethanave të kësaj ngjarje.”– thuhet në njoftimin e policisë.


Leave a Reply

Your email address will not be published. Required fields are marked *