Dy diplomatë ukrainas janë shkarkuar nga detyra pasi u arrestuan duke trafikuar 16 kilogramë ar, mijëra pako cigare dhe dhjetëra mijëra dollarë në Poloninë fqinje, thanë zyrtarët.
Një shofer për ambasadën e Ukrainës në Varshavë dhe një atashe për punët konsullore u arrestuan nga rojet kufitare të Ukrainës të dielën pasi u ndaluan në një minibus zyrtar në një pikë kontrolli gjatë rrugës për në Poloni.
Dy zyrtarë të tjerë dyshohet se ishin të përfshirë në përpjekjen e kontrabandës, përfshirë babanë e atasheut, i cili punon në ambasadë, tha zyra shtetërore e hetimeve e Ukrainës në një deklaratë të hënën.
Hetuesit kanë akuzuar shoferin dhe atasheun për përpjekjen për të marrë në mënyrë të paligjshme mallrat në Bashkimin Evropian (BE) ‘duke përdorur imunitetet dhe privilegjet diplomatike, si dhe transportin zyrtar’.
Dyshja thuhet se u kap në flagrancë me më shumë se 200,000 dollarë në euro, zlot polakë, ar dhe më shumë se 8,000 pako cigaresh, me vlerë më shumë se 50,000 dollarë.
Të hënën, ministri i Jashtëm, njëherazi zv.kryeministri ukrainas Dmytro Kuleba pohoi se ai kishte pushuar nga puna dy personat.
