Një minator ka humbur jetën në minierën e Bulqizës.
Ngjarja ka ndodhur në një galeri në Zonën D ndërsa punonjësi që ka humbur jetën është 49-vjeçari, Fiqiri Karaj.
Dyshohet se viktima është goditur nga një masiv gurësh, gjë që ka rezultuar fatale për të.
Njoftimi
“Rreth orës 12.10, Policia e Bulqizës ka marrë njoftim se në galerinë e një miniere kromi, dyshohet se gjatë punës është aksidentuar dhe për pasojë ka humbur jetën shtetasi F. K., 49 vjeç.
Grupi hetimor ndodhet në vendngjarje, po kryen veprimet për dokumentimin e plotë të rrethanave të ngjarjes.”
