Vendosni fjalën kyçe....

Urgjenca Kombëtare ngre shqetësimin: Rritje të infektimeve mes moshave 15-35 vjeç, respektoni masat


Pas konferencës së sotme të Komitetit Teknik të Ekspertëve ku u konfirmua se gjatë një periudhe dy-javore kemi patur një rritje të numrit të të infektuarve, Urgjenca Kombëtare ka një apel për qytetarët.

Ndërsa bën me dije se moshat 15-25 dhe 25-35 vjeçare kanë patur një rritje të lartë, Urgjenca thekson se kjo është shtresa më aktive dhe më e pakujdeshme.

Për këtë u bën thirrje të gjithë qytetarëve e në veçanti këtyre grupmoshave, që të mbrojnë rregullat bazë të distancës sociale, larjes së duarve dhe përdorimit të maskave.

Mesazhi i Urgjencës Kombëtare:

Rreth 52000 thirrje janë regjistruar vetëm gjatë muajit JANAR drejt numrit unik 127, pranë Njësisë së Koordinimit në Qendrën Kombëtare të Urgjencës Mjekësore, 9500 prej të cilave kanë qenë thirrje COVID. Gjithashtu, janë regjistruar nga rreth 1800-2000 në ditë, nga te cilat rreth 390-400 në ditë kanë qenë COVID. Vetëm gjatë muajit janar nga ekipet e terrenit të urgjencës mjekësore, janë kryer rreth 12000 misione, 2600 prej të cilave kanë qenë misione COVID. Ajo që mbetet për ‘u shqetësuar në këto momente është rritja e numrit të të infektuarve në moshat 15-24; 25-35 vjeç. Është është shtresa më aktive dhe e pakujdesshme. Ka rritje të numrit të infektuarve te të rinjtë.

Duke parë nr në rritje të infektimeve QKUM, ju bën thirrje të respektoni rregullat bazë për të mbrojtur veten tuaj dhe të tjerët nga COVID-19. Të respektoni distancën dhe të mbani maskë, të lani shpesh duart dhe të distancoheni nga grumbullimet.
Por çfarë duhet të bëni nëse simptomat tuaja #COVID19 janë të lehta ose mesatare?
Qëndroni në shtëpi
Mos përdorni #antibiotikë
Pushoni, ushqehuni, pini normalisht
Telefononi 127 ose mjekun tuaj të familjes nëse simptomat tuaja përkeqësohen.