Vendosni fjalën kyçe....

I akuzuar për zhdukjen e Jan Prengës, GJKKO jep detyrim paraqitje për Ardian Doçin


Gjykata e posaçme kundër Korrupsionit dhe Krimit të Organizuar ka caktuar ndaj Ardian Doçi masën e ‘detyrim paraqitje’ duke pranuar kërkesën e avokatit Tonin Prendi për lirimin e klientit të tij, lidhur me akuzat për zhdukjen e Jan Prengës ngjarje e ndodhur më 17 janar 2020 në Kamëz.

Ardian Doçi, u vetëdorëzua në polici një ditë pasi Operacioni “Forca e Ligjit” i sekuestroi pasuritë në Shkodër.

Ai është i dyshuar si pjesë e grupit të bashkëpunëtorëve në pengmarrjen dhe vrasjen e Jan Prengës më 17 janar 2020.

Ai u vetëdorëzua në pikën kufitare të Hanit të Hotit, teksa udhëtoi nga Vjena në drejtim të Podgoricës.

Ardian Doçi ka mohuar të ketë lidhje me ngjarjen kriminale.

I arrestuari është i afërt i Gentian Doçit, të akuzuar nga prokuroria si një nga urdhëruesit kryesorë të pengmarrjes dhe më tej vrasjes së Jan Prengës më 17 janar në Kamëz.

Jan Prenga u rrëmbye më datë 17 janar dhe u godit ndërkohë që po çohej në kompleksin “Golden” sipas policisë. Gjatë asaj dite autorët e nxorën atë të vdekur nga kompleksi duke e futur në qese të zeza për ta groposur diku.

Të arrestuar të tjerë për këtë ngjarje të rëndë janë Bajram Hajri, Elton Hajri, Leonard Hajri, Olsi Turja dhe Festim Bexhdili.


Leave a Reply

Your email address will not be published. Required fields are marked *