Rusia nuk do e bëjë të detyrueshëm imunizimin ndaj Covid-19, sipas ministrit të Shëndetësisë, Mikhail Murashko.
Një vaksinë e prodhuar në vend është duke u provuar dhe mund të regjistrohet e prodhohet në masë deri në shtator.
Sipas ministrisë të Shëndetësisë, vaksinimet në Rusi mund të jepen vetëm me pëlqimin e shprehur të një qytetari.
“Sot, interesi për vaksinën është mjaft i lartë, sepse njerëzit kanë kuptuar rëndësinë e plotë të vaksinimit.” – tha ai.
“Gjatë kësaj periudhe numri i përkrahësve të vaksinimit është rritur.” – shtoi ai.
Në maj, u sugjerua që Kodi i kundërvajtjeve administrative të përfshijë një gjobë për refuzimin e vaksinimeve të detyrueshme.
Ende në fazën e diskutimit, kodi i ri do të lejojë një gjobë deri në 7,000 rubla (100 dollarë) për qytetarët që refuzojnë imunizimet që konsiderohen të nevojshme.
Sipas Rospotrebnazdor, mbikëqyrësi shëndetësor i vendit, dënimi do të zbatohej vetëm për ata që kryejnë punë të lidhura me një rrezik të lartë të kontraktimit të sëmundjeve infektive.
