Deputetja Rudina Hajdari, paralajmëron sërish kryeministrin Edi Rama, se hapja e listave është një kusht i panegociueshëm për opozitën parlamentare, që të votojë për miratimin e Reformës Zgjedhore.
“Dje i bëmë të qartë Edi Ramës se hapja e listave është një kusht i panegociueshëm për miratimin e reformës zgjedhore dhe marrveshjes Rama-Basha.
Sot, mbi 75% e shqiptarëve e mbështesin dhe duan hapjen e listave si një mjet për të patur më shumë fuqi mbi vendimarrjen në Parlament.
Misioni ynë është që në parlament të përfaqësojmë këtë shumicë dërrmuese shqiptarësh e jo dëshirat e 2 apo 3 kryetarëve që kanë frikë nga populli.”- shkruan Hajdari, e cila kujton takimin e djeshëm me kryeministrin Edi Rama.
