Shteti i Tennesesses në SHBA u prek nga një stuhi e fuqishme duke shkaktuar dëme në njerëz dhe banesa.
8 persona humbën jetën në Nashville për shkak të furisë së tornados e cila shkatërroi banesa si edhe la një pjesë të mirë të zonës pa energji elektrike.
Të paktën 40 ndërtesa dhe struktura të tjera u rrëzuan. Ngjarja ndodhi menjëherë pas mesnatës.
Ekipet e shpëtimit dhe zjarrfikësit janë duke përqendruar përpjekjet e tyre në qytetet Germantown, East Nashville dhe Hermitage.
Kryetari i Bashkisë së Nashville, John Cooper tha për WTVF se ka rreth 20 persona të plagosur që ndodhen në spital.