Kreu i Qeverisë së Shqipërisë Edi Rama ka reaguar për firmosjen e marrëveshjes mes LDK-së dhe VV-së ditën e sotme.
Rama ka uruar formimin e qeverisë së Kosovës duke uruar që të ketë mes dy qeverive një bashkëpunim sa më të dobishëm për shqiptarët.
Më tej Rama shkruan se pret me padurim të ulen në tryezë për lëvizjen e lirë të qytetarëve.
“Suksese VV-LDK në formimin e qeverisë së re dhe në qeverisjen e Kosovës! Uroj të kemi një bashkëpunim sa më të dobishëm për shqiptarët këtej e andej kufirit dhe pres me padurim të shtrojmë në tryezë çështjen e lëvizjes së lirë të qytetarëve e të sipërmarrjeve në kufirin tonë”-shkruan Rama.
