Një grua e moshuar ndodhet në gjendje të rëndë në spital, pas një aksidenti rrugor ku u përfshi eskorta e princit William dhe dukeshës Kate Middleton.
Princi William dhe Kate po udhëtonin nga Londra në Windsor të hënën. kur gruaja 83 vjeçare u aksidentua. Sipas “BBC“-së, në incident u përfshi një polic me motor në eskortë.
Pallati Kensington tha se çifti mbretëror është i shqetësuar për ngjarjen dhe janë në kontakt me gruan e aksidentuar.
Gruaja e cila quhet Irene, sipas pallatit mbretëror, u dërgua në spital në gjendje kritike pas përplasjes. Por tani ndodhet në gjendje të qëndrueshme.
Një zëdhënës i Pallatit Mbretëror ka thënë: “Lartësitë e tyre mbretërore kanë dërguar urimet e tyre më të mira për Irenën dhe familjen e saj dhe do të mbeten në kontakt gjatë gjithë fazave të rimëkëmbjes së saj”.
