Sampdoria dhe Marko Xhiampaolo kanë lajmëruar prishjen e dyanshme të kontratës që lidhte trajnerin me klubin deri më 30 qershor të 2020-ës.
“Falënderoj presidentin Ferrero dhe gjithë Samp-in për tre sezone të paharrueshme. Falemnderit të gjithëve, do të jeni përgjithmonë në zemrën time,” ka thënë trajneri që do të marrë drejtimin e Milan-it sezonin e ardhshëm.
Trajneri është zyrtarisht i lirë për të nënshkruar kontratën dyvjeçare (me opsion për një vit të tretë) që i është ofruar nga klubi kuqezi.
