Shkon në 11 numri i personave që u vranë në Pitsburg të SHBA-së
Autori i dyshuar u identifikua si Robert Bowers, 46 vjeç. Ai e kishte shprehur disa herë urrejtjen ndaj HIAS, një shoqate që ndihmonte ardhjen e emigrantëve hebrenj në SHBA.
Ai u fut në sinagogë i armatosur me armë automatike dhe pistoletë qëlloi për vdekje 11 persona,. Po kështu plagosi edhe 3 oficerë policie.
Autori i dyshuar është ndaluar nga policia që nuk jep ende ndonjë hollësi për motivet e sulmit.
Presidenti Trump ka deklaruar se shoqëria amerikane duhet të bëjë më shumë për të luftuar urrejtjen ndërsa ka thënë se autoritetet shtetërore janë në gatishmëri në mbarë vendin për të parandaluar ngjarje të ngjashme.
