Një zyrtar i Iranit u ka bërë thirrje të rinjve që të formojnë zinxhirë njerëzorë rreth centraleve elektrike, pas kërcënimeve për sulme nga presidenti i SHBA, Donald Trump.
Alireza Rahimi, i identifikuar nga televizioni shtetëror si sekretar i Këshillit të Lartë të Rinisë dhe Adoleshentëve, e bëri thirrjen përmes një video-mesazhi të transmetuar të martën.
Sipas Fox News, ai ftoi të rinjtë, sportistët, artistët, studentët dhe pedagogët që të mblidhen rreth centraleve elektrike, duke i cilësuar ato si “pasuri kombëtare” dhe pjesë të së ardhmes së vendit.
Rahimi theksoi se tubimi duhet të zhvillohet pa dallime politike, duke synuar mbrojtjen e infrastrukturës strategjike të Iranit përballë kërcënimeve të mundshme ushtarake.
Irani ka përdorur edhe më parë forma të tilla proteste, të njohura si “mburoja njerëzore”, veçanërisht gjatë periudhave të tensioneve të larta me vendet perëndimore, për të mbrojtur objektet e tij të ndjeshme, përfshirë ato bërthamore.
