Kryeministri Edi Rama ndodhet në Gjermani, ku po zhvillon një vizitë zyrtare në Mynih me ftesë të Kryeministrit të Bavarisë, Markus Söder.
Lajmi u bë i ditur nga vetë Rama përmes një postimi në rrjetin social Facebook.
Në postimin e tij, Kryeministri shqiptar e cilësoi Söder-in si një “mik të çmuar”, me të cilin, sipas tij, është ndërtuar një partneritet i posaçëm mes Shqipërisë dhe landit të fuqishëm gjerman të Bavarisë.
“Gjermani, Mynih – Të ftuar nga Kryeministri i Bavarisë z. Markus Söder, një mik i çmuar me të cilin kemi ndërtuar marrëdhënien e një partneriteti të posaçëm mes Shqipërisë dhe Bavarisë,” shkroi Rama.
